په پام کې ده چې کابل ښاروالۍ د خپل پرمختیايي پروګرام له لارې د احمدشاه بابا میني اول بلاک سړکونو جوړولو چارې پیل کړي، چې د تدارکاتي اسنادو بشپړولو وروسته یاده پروژه له ودانیز شرکت سره قرارداد شوه.
یاد ګذر ۴۳.۹هکټاره مساحت لري، چې ۲۴واړه او ستر سړکونه چې په ټولیزه توګه ۶.۱۱کیلومتره سړک،۹.۷۳کیلومتره لښتي او ۱۰.۱۴کیلومتره پلي لارو کانکریټ کول پکې شامل دي چې په اساسي ډول رغول کیږي.
د دي پروژې بشپړولو سره به د یادې سیمې ۷۰۱۷تنه اوسیدونکي د پخو کوڅو له ګټو څخه برخمن شي، چې د یادی پروژي عملي چارې ډیرژر د قراردادي شرکت له لوري پيل کیږي.
