د کابل ښار غیر پلاني ساحې په پلاني ساحو بدلول یوه څرګنده اړتیا ګڼل کېږي

کابل ښاروالۍ تصمیم لري چې د پروژو د پلي کولو پر ځای د ځمکو د استملاک او د معاصرو او نویو طریقو چې د نړۍ په زیاتره هیوادونو کې یې مثبته نتیجه ورکړې ده د ښار د پراخوالي لپاره ګټه واخلي. د ځمکې نوی تنظیم او ښاري انکشاف دوه ورته طریقې دي چې کولای شي د ځمکو په استملاک د ښار پراخوالي او پلانګذارۍ کې ترې ګټه واخیستل شي. د کابل ښاروالۍ بهسازي ریاست د ځمکو د نوي تنظیم آمیریت کارکوونکي د څو کلونو راهیسې د دوست هیواد جاپان ( JICA ) په همکارۍ سره دغه طریقې په پوره ماهرانه ډول زده کړي او اماده دي چې غیر پلاني ساحې چې د کابل ښار ماسټر پلان په حدودو کې قرار لري.د پورته ذکر شویو طریقو څخه په ګټه اخیستنې د کابل ښاروالۍ په انکشافي پروژو کې شامل او بیا له ترتیب څخه وروسته په ساحه کې تخنیکي پلانونه عملاً تطبیق کړي. دغه ویډیو د پروژو د تطبیق یو ډول انځور دی چې د عامه وګړو په ذهنونو کې د دغه سیستم عملی کول منځته راشي