له خواجه بغرا درې لارې څخه تر قلعه نجارا پورې سرک کوم چې د ښاري ترانسپورت د پرمختګ او موثریت برنامې لخوا مخکې شروع شوې وو نن په دریم د سنبلې د دغې سرک قیر کول د خاورې د پوښلو وروسته د خواجه بغرا له درې لارې څخه شروع شو.
د دغه سرک کار تقریباً ۲۴ فیصده مخکې تللی دی.
او په پام کې ده چې د ۲.۲ کیلومیترو په اوږدوالي او ۴۰ مترو په پراخوالي چې پکې د اوبو ویالې ، پلي تګلارې او د سرک نورې اجزاوې شاملې دي د روان کال په جریان کې بشپړشي.
دا چې دا سرک خاص موقیعت لري خورا لوی اقتصادي اهمیت هم لري . د دغه سرک په جوړولو سره به د ښاري مشکلاتو د حلولو تر څنګ دغې ساحې پورې اړونده څلور لارې او نور ښاري سرکونه له یو بل سره ونښلول شي چې په نتیجه کې یې د دغې منطقې ښاریانو ته زیات سهولتونه رامنځته شي.
