کابل ښاروال: د هېواد په سیاسي راتلونکي کې ستاسو د رایې د اهمیت په درک، روښانه اړتیا ده تر څو زموږ ټول ګران ښاریان د رایې صندوقونو ته ولاړ شي او د خپل مسوولیت په درک د خپل هېواد راتلونکی مشر وټاکي!
د کابل ښاروال پوهنیار احمد ذکي سرفراز په دې پروسه کې د خلکو د ګډون اهمیت ته په اشارې، چې ان شاء الله د سولې، ارامۍ او د هېواد ابادۍ په ځانګړي ډول د کابل ښار د افغانانو د دغه ګډ کور د ابادۍ مقدمه به وي، ټینګار کوي او زموږ له ټولو هېوادوالو په ځانګړې توګه له کابل ښاریانو هیله لري چې په دغه ملي پروسه کې ګډون وکړي او خپل راتلونکی مشر وټاکي.
ځکه د دغه هېواد په راتلونکي کې د ټاکنو د پروسې له لارې د ابادۍ او ارامۍ په ټینګښت کې د خلکو رول ټاکونکی او مهم دی.