د کابل ښاروالۍ د روزنیزو او سرګرمۍ د پروګرامونو په دوام دا ځل د اروپایي ټولنې د پروژې په ملاتړ پنځلسمه ناحیه مربم لیسه کې د رسامۍ سیالي جوړه شوې وه نن د ۱۳۹۸ کال د میزان په ۲۰ مه د دغې سیالۍ غوره زده کوونکو ته د ښاروالۍ جایزې هم ورکړل شوې. دغو مراسمو ته د کابل ښاروالۍ ویاندې نرګس مومند د ښاري عالي فرهنګ په وده وغږیده. نوموړې زیاته کړه، روزنیز او تفریحي پروګرامونه چې د قوانینواو ښاري مقرراتو په پام کې نیولو سره هلکانو او نجونو زده کوونکو ته چې په کورنیو کې مهم نقش لري، خورا مهم او مؤثر تمامیږي. په دې سیالۍ کې زده کوونکو د ښاري زرغونتیا، ښکلا، نظافت او د ترافیکي اصولو د مراعتونې اړوند پیغام لرونکي انځورونه وکاږل.
