د کابل د هوا وضعیت

الوتني

د كابل شرعي وختونه

د سهار آذان 3:23 ق-ظ
لمر راختل 5:00 ق-ظ
د ماسپښين آذان 12:30 ب-ظ
د مازديګر آذان 4:54 ب-ظ
د ماښام آذان 7:02 ب-ظ
د ماسختن اَذان 8:15 ب-ظ

د نن ورځي د اسعارو بيه

1 دالر 72.7680 افغانی
1 یورو 82.8917 افغانی
1 درهم 19.7393 افغانی
1 تومان 0.0078 افغانی
1 کلدار 0.6022 افغانی
1 هندی 1.0692 افغانی

د کابل ورځپاڼی

د کابل ښاروالۍ سرپرست ژوندلیک او کړنې

پوهنیار عبدالله حبیب زي د سمونوال عبدالعزیز خان زوی په ۱۳۶۲هجري لمریز کال کې د غزنی ولایت په یوی متدیني او ړون اندې کورني کې نړۍ ته سترګې وغړولي، لومړني زدهکړي یې په غزنی او منځني زدکړي يې په پلازمینې کابل کې د پاینده محمد شهید ښوونځي کې پاي ته ورسولي، ورپسي د لوړو زدکړو لپاره د کابل پوهنتون په انجنیري پوهنځي کې خپلي زدکړي پیل کړي. د لسانس دوري له بشپړیدوڅخه وروسته د ممتاز زدکړیال او علمي کادر په توګه په ياد پوهنځي کې د استاد په توګه وټاکل شو. له څه مودي تدریس څخه وروسته د فولبرایت بورسې له لارې د نورو زدکړو لپاره امریکا هیواد ته لاړ او د ترانسپورت انجنیري په برخه کې يې د ماستري سند د امریکا د کولمبیا میسوري پوهنتون څخه په لوړه درجه تر لاسه کړ او د وطن بچیانو روزلو پخاطر بیرته هیواد ته راستون شو.
ښاغلي حبیب زی د یادو زدکړو ترڅنګ د پروژي مدیریت(  PMP  )او د ودانیو جوړولو د جواز څارني په برخه کې هم تصدیق پاڼي لري.
نوموړي د ۱۳۹۵کال د غویي میاشتي په ۴مه نیټه د جمهوري ریاست عالي مقام د ۳۳۸ نمبر فرمان له مخې د کابل ښار د ترانسپورتي ستونزو د حل په موخه د کابل ښاروالۍ ترانسپورتي مرستیال په توګه وټاکل شو، او د ترانسپورتي ستونزو د حل لپاره یې په نويو پلانونو او طرحو جوړولو باندې کار پیل کړ. په کابل ښار کې د میتروبس کرښو څیړنه، د کابل ښار د سړکونو ناوړه حالت ته کتنه او د موسمي اوبو مدیریت یې په دي بست کې له مهمو کارونو څخه دي، ښاغلي حبیب زی په یاد بست کې له یوي میاشتي دندي ترسره کولو وروسته د هیواد د ولسمشر حکم له مخې د ترانسپورت مرستیالي ترڅنګ د کابل ښاروالۍ سرپرست وټاکل شو او تر ننه په دي بست کې کار کوي.
کورنیو چارو وزارت څخه کابل ښاروالۍ ته د ښار د ترافیکو مدیریت رالیږدلو وړاندیز، کابل ښاروالۍ ته د کارپوه او متخصصینو راوستل، د اداري ستونزمنو پروسو کې آسانتیاوې راوستل، د اداري فساد پروړاندې جدي مبارزه کول، د ښار د پنځو ناحیو د تنظیفي چارو خصوصي کیدل، په کابل ښار کې د ښارۍ میتروبس لومړی کرښي پیلول، د پتې موندنې په برخه کې د ښاریانو ستونزو ته پاملرنه، د ځمکو تنظیم بیا پیلول، د کابل ښار د اوبو ماسترپلان پیلول، د ښار د عمومي او فرعي سړکونو رغول او په لسګونه نور کارونه د کابل ښاروالۍ سرپرست په توګه د ښاغلي حبیب زي له راتګ سره پیل شوي.