کابل ښاروالۍ نن د ښار د متوازن انکشاف اصل ته په پام د ۲۲مې ناحیې اړوند ۳ ګذرونو کې د ۱۲۸۶ متره اساسي کانال د جوړولو چارې پیل کړې.
د پرانیستې په دغو مراسمو کې د کابل ښاروالۍ مالي او اداري معین سیدالرحمن جلال، د ناحیې رئیس او ګڼو اوسېدونکو ګډون کړی و.
د دغه کانال په جوړېدو سره به د سطحي اوبو د ډپ کېدو له کبله ۲۳۰۰۰ کورنیو ورپېښې ستونزې هوارې شي.
د یادونې ده چې کابل ښاروالۍ په روان ژمي کې د دغه کانال لپاره کیندنې کوي او پاتې کارونه به یې د هوا د نورمال حالت ته راګرځېدو سره سم پیل شي.
