د غوره ښاري نظم د رامنځته کیدو په موخه، د څلورمې ناحیې اړوند له انصاري څلورلارې تر طره بازخان څلورلارې او ګل فروشی کوڅې ښاري سرغړونو رسیدنه وشوه او په پلو لارو کې د صنفونو ناقانونه رغونې ونړول شوې. دغه راز په یاده سیمه کې د تنظیف په برخه کې د اوبو ویالې کنټرول شوې او په دې برخه کې غړونکي جریمه شول،ترڅنګ یې یو شمیر پلې لارې چې د خلکو د ناقانونه خنډونو له امله هغوی ته خبرداری ورکړل څو خپل خنډونه لرې کړي. په همدې لړ کې هغه سیمې چې بیارغونې او په تیږو فرش ته یې اړتیا درلوده تشخیص شوې او د ګل فروشی کوڅې په دننه کې د پاپیز په نوم یو هوټل چې عمومي سړک یې غوڅ کړی وو، مجبور کړل شو، څو د کابل ښاروالۍ د مسئولانو له محاسبې وروسته یې تاوان ورکړي او نقدي جریمه شي.
