د وزیرانو په شورا کې چي تیره ورځ د هیواد اجراییه رییس جلالتمآب ډاکټر عبدالله عبدالله په مشري د وزیرانو شورا په نوي ودانۍ کې جوړه شوي وه، د کابل ښاروالۍ سرپرست پوهنیار عبدالله حبیب زي له لوري د ترافیکو عمومی مدیریت د لومړی کال د کړنو راپور غونډي ته وړاندې شو. په پام کې ده چي د چمتو شویو کړنلارو په پلي کیدو سره به د پلازمیني ترانسپورتي سیستم کې ښه والی او د ښار په څیره کې مثبت بدلون رامنځته شي. د هیواد اجراییه رییس د کابل ښاروالۍ له لنډمهالو،منځ مهالو او اوږد مهالو پلانونو څخه ستاینه وکړه او زیاته یې کړه: د کابل ښاروالۍ پلانونه هراړخیز دي،همداراز یې له دولتي بنسټونو غوښتنه وکړه چې د کابل ښاروالۍ د پلانونو په پلي کیدو کې ورسره مرسته وکړي. د وزیرانو شورا غړو هم د کابل ښاروالۍ له پلانونو خوښي وښوده او خپل وړاندیزونه یې د ترافیکو او چاپیریال ساتني ښه والی په برخو کې غونډي ته وړاندي کړل
