د کابل ښاروالۍ د کار ساتنې او مراقبت ریاست له لوري د لومړۍ ناحیې اړوند د یک پیسه ګي پله د بیارغونې چارې پیل شوې. د پلونو او سړکونو د بیارغونې آمر شریف الله قادري وویل چې، د یاد پله یو شمېر برخې د وخت په تېرېدو او د ډېر تګ او راتګ له امله ویجاړې شوې دي. نوموړي زیاته کړه چې، د یاد پله د بیارغونې په چارو کې، د پله کانګریټ چارې، د کټارو رنګول او د یو شمېر نورو برخو بیارغول شامل دي. یک پیسه ګي پل ۴۵ متره اوږدوالی او ۲.۷۵ متره سور لري او د کابل سیند پر سر یو له پخوانیو پلونو شمېرل کیږي چې، د مرادخانې او باغ علیمردان سیمې ښاریان د تګ راتګ په برخه کې ترې ګټه پورته کوي. د معلوماتو پر بنسټ یاد پُل شاوخوا درې پیړۍ وړاندې تاسیس شوی وو چې، اوس به په کلاسيک خو اساسي ډول جوړ شي