کابل ښاروالۍ د ښځینو پیرودنکو او پلورونکو لپاره د آمن کاري ځای، او تر یو چتر لاندې د ښځینو سوداګرو راټولو په موخه د UN Women دفتر سره د مرستي هوکړه لیک لاسلیک کړ، چې له مخې به یې د کابل ښاروالۍ په ملکیت کې کابل ښار کې د شاوخوا پنځه میلونه ډالرو په لږښت د څلور زره متره مربع په مساحت کې یو ستر سرپټي سوداګریز مارکیټ جوړ او په فعالیت پیل وکړي. د دي هوکړه لیک له مخې به د ودانۍ تر بشپړیدو د ملګرو ملتونو دفتر کابل ښاروالۍ سره مرسته کوی، او وروسته رسما کابل ښاروالۍ ته سپارل کیږی او کابل ښاروالۍ به یې د ساتنې او مدیریت مسولیت په غاړه ولري. د یادونې وړ ده چې د دي مارکیټ له ۸۰ سلنه څخه ډیر فعالیت کونکې به هغه ښځي وي چې کوچنې سوداګري لری او د یو چتر لاندې به خپل فعالیت ته دوام ورکوي.