د هوا او چاپېریال له ککړتیا څخه د مخنیوي او د ښاري پلانونو د پلي کېدو په اړه، د پنځمې، شپږمې او دیارلسمې ناحیو له ګذر وکیلانو، عالمانو او ځوانانو سره د عامه پوهاوي غونډه ترسره شوه. په غونډه کې د دیارلسمې ناحیې رئیس مولوي عبدالصمد عابد خبرې وکړې او ویې ویل: د ښار مدیریت د ښاریانو په مرستو پورې تړلی دی او که چېرې ښاریان ښاري اصولو او مقرراتو ته پام وکړي، کابل ښاروالۍ به خپل ښاري پلانونه په ښه توګه پلي کړي. ورته مهال د کابل ښاروالۍ د ټولنیزو او ولسي چارو د همغږۍ ریاست مرستیال سید عبدالعلي یاسین زي، د شپږمې ناحیې مرستیال قاري محمد قسیم ساپي، د خپرونو او عامه پوهاوي ریاست د عامه پوهاوي آمر محمد یاسین امین، د پنځمې ناحیې د ښاري خدمتونو مرستیال قاري حکمت الله حقمل هم خبرې وړکړې او د ښاري پلانونو په پلي کولو کې یې د ښاریانو رول مهم وباله او ټینګار یې وکړ چې، د هوا او چاپېریال له ککړتیا سره په مبارزه کې باید ټول خپل مسئولیت ادا کړو او له غیر معیاري سون توکو څخه ګټه پورته نه کړو. د دوی په خبره واوره باید په جذب وړ سیمو کې زیرمه کړو ترڅو د ځمکې لاندې اوبو سرچینې پیاوړې شي. دغه راز ویناوالو د غونډې له ګډونوالو وغوښتل چې، د سړک جوړونې او نورو ټولګټو پروژو په پلي کولو کې باید له هېڅ راز هلوځلو څخه ډډه ونه کړي. د غونډې په پای کې د چاپېریال ساتنې اړوند یو شمېر ویډیويي کلپونه هم نندارې ته وړاندې شول چې، د ګډونوالو د خوښې وړ وګرځېدل