د ښاریانو د روغتیا خوندی ساتلو په موخه، د یوولسمې ناحیې د مسئولینو له خوا د یادې ناحیې له بازارونو څخه د څارنو په لړ کې دوه ټنه بې کیفیته خوراکي او غیر خوراکي توکي چې د مصرف نېټه یې هم پای ته رسېدلې وه او دغه راز او (۲۵۵) لودسپیکرونه چې، د غږیزې ککړتیا لامل ګرځېدلي وو راټول شول. د یوولسمې ناحیې د ښاري خدمتونو آمر قاري امین الله صاحب زاده په دې اړه وویل: د یادې ناحیې د چاپېریالي روغتیا د څانګې له لوري له بازارونو څخه څارنې روانې دي. نوموړي له ښاریانو غوښتنه وکړه چې، د خپلو اړتیا وړ توکو د پېرلو پرمهال دې د هغوی نېټې او کیفیت ته پام وکړي، او اصنافو ته هم سپارښتنه کېږي چې د توکو د پلورلو پر مهال له لوډسپیکر څخه په ګټه اخیستلو سره د غږیزې ککړتیا د رامنځته کېدو لامل نشي.