د لومړۍ ناحیې له اوسېدونکو سره د ونو او زرغونو سیمو د خړوبولو او تر ځمکه لاندې خوږو اوبو د سپما په اړه د عامه پوهاوي غونډه ترسره شوه. په غونډه کې د لومړۍ ناحیې مرستیال مولوي شمس الدین الهام، د خپرونو او عامه پوهاوي ریاست د عامه پوهاوي آمر محمد یاسین امین او د ولسي او ټولنیزو چارو د همغږۍ ریاست استازی مولوي حمد الله حقاني په خپلو خبرو کې د ونو او زرغونو سیمو پر خړوبولو ټینګار وکړ او ویې ویل چې، د همکارۍ دپیاوړې روحیې له مخې کولای شو د ښار په کچه د زرغونو سیمو وضعیت لا ښه کړو. ورته مهال د لومړۍ ناحیې اوسېدونکو د ونو او زرغونو سیمو د اهمیت بیانولو سربېره وویل چې، د ښاریانو په مرسته او له اړوندو ادارو سره په همغږۍ کولای شو د ونو او زرغونو سیمو د خړوبولو، د ښار د پاکوالي او د اوبو په سپما کې له کابل ښاروالۍ سره مرسته وکړو