د امیرالمؤمنین حفظهالله د فرمان د پلي کېدو په موخه، د کابل ښار د لوېدیځ زون په ناحیو کې له ناوړه دودونو څخه د مخنیوي په اړه د عامه پوهاوي غونډه ترسره شوه. په دې غونډه کې چې، د پنځمې، شپږمې، دیارلسمې او څوارلسمې ناحیو یو شمیر مشرانو، عالمانو او ځوانانو ګډون کړی ؤ؛ ویناوالو د ناوړه دودونو په ځانګړې توګه په ودونو ، فاتحې ویلو او د حج او عمرې په مراسمو کې د ناوړه رواجونو د پایلو په اړه بحث او خبرې وکړې. ویناوالو په خپلو خبرو کې د امیرالمؤمنین حفظهالله د فرمان په پلي کېدو ټینګار وکړ او ویې ویل چې، ټولنیز مناسبتونه باید د اسلامي او کلتوري ارزښتونو مطابق ترسره او له بې ځایه لګښت څخه دې ډډه وشي. د دوی په اند د ساده ژوند اصل ته راګرځېدل د ټولنې د دیني او ټولنیزو ارزښتونو د ساتلو په برخه کې یو مهم ګام دی. دغه راز ویناوالو د ناوړه دودونو په لمنځه وړلو کې د مخورو شخصیتونو، عالمانو او ځوانانو رول مهم وباله او د ټولنې له هر غړي او هرې برخې یې غوښتنه وکړه چې، دې موخې ته د رسېدو په برخه کې هر اړخیزه مرسته وکړي. یادو مسئولینو ژمنه وکړه چې، د خلکو د پوهاوي کچې د لوړولو په موخه به دا ډول نورې غونډې هم ترسره کړي ترڅو ښاریان په خپلو مناسبتونو کې دیني او کلتوري ارزښتونه په پام کې ونیسي