د کابل ښاروالۍ د خپرونو او عامه پوهاوي ریاست له خوا د اتلسمې ناحیې اړوند سیمو کې د معدني اوبو او آیسکریم پلورونکو، هټیوالو او ګرځنده پلورونکو ته د غږیزې ککړتیا د مخنیوي او کمښت په اړه پوهاوی ورکړل شو. په دې برنامه کې پر فعالیت کوونکو ټینګار وشو چې، غږیزه ککړتیا ناوړه پایلې لري، اړتیا ده چې د خپلو فعالیتونو پر مهال له لوډسپیکرونو څخه کار وانخلي او بدیلې لارې دې ورته پیدا کړي. د غه راز دوی ته ګوت څنډنه وشوه چې، د سرغړونې په صورت کې یې لوډسپیکرونه راټولېږي او بیا د شکایت حق نه لري. د یادونې وړ ده چې، ښاري ژوند د یو لړ اصولو او مقرراتو په رعایت کولو پورې اړه لري، چې په پام کې نیولو سره به یې عامه هوساینه تضمین شي