د کابل ښاروالۍ د خپرونو او عامه پوهاوي ریاست له خوا او د اتمې ناحیې د مسئولینو په همکارۍ، د یادې ناحیې اړوند سیمو کې د چاپېریالي روغتیا ساتنې په اړه نانوایانو ته پوهاوی ورکړل.
په دې برنامه کې ټینګار وشو چې، نانوایان مکلف دي څو د خپل فعالیت په سیمه کې د چاپېریالي روغتیا ساتنې اصول او مقررات په پام کې ونیسي او د ډوډۍ پخولو پرمهال د غیر معیاري موادو له کارولو څخه ډډه وکړي، ځکه د نانوایانو بې پروايي د روغتیايي ستونزو د رامنځته کېدو لامل ګرځېدلی شي.
همدا راز ټینګار وشو چې، ټول نانوایان مکلف دي څو د فعالیت معتبر جواز او د کارکوونکو لپاره روغتیایي کارت ترلاسه او د فعالیت سیمه په معیاري وسایلو سمبال کړي.
د اتمې ناحیې نانوایانو ته پوهاوی ورکړل شو