د ښاري کلتور او مدني مسؤلیت د ودې لپاره د کابل په ښوونځیو کې د پوهاوي کمپاینونو په دوام دا ځل د کابل ښاروالۍ لخوا د نادریې لیسې زده کوونکو د پوهاوي لوړولو پروګرام تر سره شو
په دغه برنامه کې د ترافیک نښو رعایتولو ، د سرک غاړو او پلي تګلارو مقرراتو ، پاکوالي ، زرغون ښار ، ښار او ښاريتوب په اړه هر اړخیز معلومات ورکړل شول تر څو د ښار په کچه د ښاري کولو فرهنګ پراخه کړي .
په ورته ډول د یادې لیسې زده کوونکي وهڅول شول تر څو د یووالي په روحیه د کابل ښاروالۍ سره مرسته کولو لپاره د ممد ښار په وده کې مثبت رول ولوبوي .
په دغه برنامه کې یو تعداد کتابونه چې د کابل ښاوالۍ لخوا د همدغې موخې لپاره چاپ شوي ، د نوموړې لیسې زده کوونکو ته وویشل شو.
