جلسه تدابیری برای کمک‌رسانی به آسیب دیده‌گان زلزله ولایت هرات از سوی ریاست انسجام امور مردمی شاروالی کابل با رؤسای شوراهای علماء و وکلای گذر نواحی بیست و دوگانه شهر کابل برگزار شد. محمد ناصر کبیری، رئیس انسجام امور مردمی شاروالی کابل، از شوراهای مذکور تقاضا کرد که برای غم‌شریکی و کمک‌رسانی برای مردم شریف ولایت هرات به عموم شهروندان کابل تفهیم گردد تا وجیبه ملی و دینی‌شان را ایفا نمایند. وی خاطرنشان کرد، شاروالی کابل در غم مردم هرات خود را شریک میداند و برای تسهیل کمک‌رسانی به شهروندان ولایت هرات آماده است. نمایندگان علماء و وکلای گذر تعهد سپردند که برای کمک‌رسانی و غم‌شریکی مردم ولایت هرات، دست به کار شده و با هماهنگی عموم مردم خصوصاً تجارملی و سرمایه‌داران بسته‌های کمکی را ترتیب و هرچه عاجل به ولایت هرات خواهند فرستاد