شورا‌های مردمی ناحیه پانزدهم به آسیب‌ دیدگان زلزله ولایت هرات بسته‌های کمکی ترتیب کردند

شوراهای علما، وکلای گذر و جوانان ناحیه پانزدهم با هماهنگی عموم مردم این ناحیه، خصوصاً تجار ملی و سرمایه‌داران برای کمک‌رسانی به آسیب دیدگان زلزله ولایت هرات بسته‌های کمکی را ترتیب نمودند که به ولایت هرات فرستاده می‌شود. به گفته انجینرعبیدالله شیرزاد، رئیس ناحیه پانزدهم؛ این بسته‌ها شامل یک مقدار البسه، مواد خوراکی، وسایل ضروری و به مقدار ۵۷۲۰۰۰ افغانی پول نقد است که برای غم‌شریکی و کمک‌رسانی برای مردم شریف ولایت هرات فرستاده می‌شود. وی خاطرنشان کرد که عموم شهروندان کابل برای کمک‌رسانی به هم‌وطنان هراتی خویش تلاش می‌نمایند تا وجیبه‌ی ملی و دینی‌شان را ادا سازند