در جلسۀ روز گذشته کابینه که تحت ریاست جلالتمآب محمد اشرف غنی رئیس جمهور برگزار گردید، پوهنیار عبدالله حبیبزی سرپرست شاروالی کابل پیشنهاد مشترک آن اداره و وزارت شهر سازی و مسکن پیرامون چگونگی تعدیل ساحهٔ ۱۰۰ جریب زمین دولتی را جهت توزیع برای آن عده اشخاصیکه جایدادهای شان تحت استملاک پروژهٔ توسعوی سرک اتصالی (سرک کمپنی و سرک شهید مزاری) در ناحیهٔ سیزدهم قرار دارد از ساحهٔ صنعتی به ساحهٔ رهایشی و بخش آن را که در مجاورت سرک حلقوی قرار دارد به ساحه مختلط رهایشی – تجارتی، به جلسه مطرح نمود.
کابینه پیشنهاد متذکره را در اصل مورد تائید قرار داده، شاروالی کابل، وزارت شهر سازی و مسکن و ادارۀ اراضی را موظف نمود تا اندازهٔ زمین را مشخص نموده؛ پلان تطبیقی و پلان تجارتی آن را توأم با تشخیص افراد مستحق به شورای عالی توسعه شهری ارائه نمایند.
