د ۱۳۹۸ کال د سنبله میاشتې په ۶ نېټه د چهارشنبې په ورځ په مختلفو بخشونوکې د کارمندانو ځواک او وړتیا لوړولو لپاره دکابل ښاروالۍ په ساحه کې د زده کړې مرکز د هغې د ساختمان د بشپړېدو وروسته د کابل ښاروالۍ ښاروال احمد ذکي سرفراز د اداري او مالي معین سید الرحمن جلال او د بشري سرچینو مسولینو په حضور کې د پټۍ په پرې کولو سره پرانیست او ګټې اخیستنې ته یې وسپاره.د کابل ښاروال دغه مرکز د نن ورځې د مدیریت معیارونو سره په مطابقت کې د مختلفو اداری او مسلکي څانګو د ظرفیت لوړولو کې یوه مهمه اړتیا وګڼله او ویې ویل:په دې مرکز کې د لویو علمي سرچینو څخه ګټه اخیستل، د کادرونو درلودل ، او دکابل ښاروالۍ د داخلي او بهرنیو سرچینو له مهارتونو او زیرمو څخه کار اخیستل ، زمونږ کارمندانو ته د روزنې او چمتو کولو لپاره وړ او تجربه لرونکي اشخاص استخدام کولو کې به ستره او مؤثره ګټه واخیستل شي .تر څږ د کابل ښاروالۍ کارمندان د کابل اوسېدونکو ته لا دمخه خدمت کولو ته چمتو واوسي او د خدمتونو سطح معیاري شي. دا مرکز په یوه طبقه کې په اساسي شکل د یو کال په موده کې د کابل ښاروالۍ له لوري په اساسي ډول رغول شوې او په تعلیمي وسایلو سنبال دی.په یو وخت کې له ۵۰ څخه زیاتو اشخاصو ځایدو ظرفیت لري.
