به‌منظور سهیم ساختن شهروندان در حفاظت از محیط زیست، حشر تنظیفی زیر نام صلح، بهار سال ۹۹ و طبیعت پاک در ناحیه‌ی دهم شهر برگزار شد. در این حشر، داکتر مهتاب عالمی معین خدمات شهری و محیط زیست شاروالی‌کابل در حالی‌که، مسوولان ناحیه، زنان و جوانان آن ناحیه اشتراک ورزیده بودند، طی صحبتی گفت: لازم‌است که شهروندان در پاکی و سرسبزی شهر کابل ما را یاری نموده، برای توسعه و گسترش ساحات سبز تلاش و همکاری نمایند. وی همچنان از اشتراک کننده‌گان این حشر ابراز قدردانی‌نمود.
