جهت گسترش فضای سبز وجلوگیری از آلوده‌گی هوا در شهرکابل، شاروالی‌کابل به دوامِ کمپاین نهال‌شانی، برنامه‌یی را در تپه‌ی وزیر محمد اکبرخان برگزارنمود که در این کمپاین معین امور جوانان وزارت اطلاعات و فرهنگ، اعضای جامعه‌ی مدنی، کارمندان بخش جوانان اداره‌ی امور ریاست جمهوری، کارمندان رادیو تلویزیون ملی افغانستان، وکلای گذر، اهالی منطقه و پرسونل شاروالی‌کابل اشتراک ورزیده بودند و با شعار هرافغان، یک‌روز؛ یک‌نهال به تعداد ۵۰۰ اصله نهال راغرس نمودند. در این کمپاین معین جوانان وزارت اطلاعات و فرهنگ و رئیس سرسبزی وحفظ ساحات سبز شاروالی‌کابل راجع به نقش جوانان درب خش سرسبزی صحبت نمودند. در پایان این پروگرام کارمندان تلویزیون ملی کلیپی راجع به اهمیت ساحات سبز و جلوگیری از تخریب ساحات سبز آماده نمودند.
