ازین‌پس افرادی‌که پولیس ترافیک را لت و کوب می‌کنند به طور علنی محکمه می‌گردند

پوهنیار عبدالله حبیب‌زی سرپرست شاروالی کابل با محمد فرید حمیدی لوی څارنوال کشور، روی رسیدگی به دوسیه‌های بدرفتاری اشخاص و افراد با پولیس ترافیک روی جاده و متخلفین اعمار ساختمان‌های غیر قانونی ملاقات نمود.
درین ملاقات سرپرست شاروالی کابل، ادارهٔ لوی څارنوالی کشور را که در راستای حاکمیت و تطبیق قانون نقش عمد‌هٔ را ایفاء می‌دارد، بارز خوانده، خواهان رسید‌گی به دوسیه‌های تخطی افراد و اشخاص که به لت و کوب پولیس ترافیک روی جاده‌ها و همچنان اعمار ساختمان‌های غیر قانونی اعم از افراد ملکی، مسوولین نواحی و حوزه‌های امنیتی متهم می‌شوند، گردید.
متعاقباً محمد فرید حمیدی لوی څارنوال کشور ضمن اعلام همکاری درین امر، افزود: ازین پس هر شخص حقوقی و حقیقی که مبادرت به لت و‌کوب پولیس ترافیک جاده گردد مطابق به قانون مجازات و در مواردی دوسیهٔ آن محول محکمه نیز می‌گردد، به گفتهٔ لوی څارنوال، ادارهٔ لوی څارنوالی کشور با درک این مسئله می‌خواهد تا بر مبنای عدالت و تطبیق قانون اقدام عملی نماید تا حقوق شهروندان مصوون و فضای سالم زندگی در جامعه حاکم گردد.