یولسمې ناحیې ته څیرمه د سړک رغولو چارې د ۱۰۸۵ مترو په اوږدوالي چې څه موده مخکې د کابل ښاروالۍ له لوري پیل شوې وې،لاهم دوام لري. د یاد سړک د رغولو په چارو کې د اوبو لښتیو او پلو لارو رغول هم شامل دي،چې اوس مهال یې ۴۰ سلنه چارې بشپړې شوې دي،چې تر بنسټیزو چارو وروسته به یې د قیر چارې پیل شي. یاد سړک د لومړې حصې ګولایي له میرزا عبدالقادر بیل واټ سره نښلوي،چې په جوړیدو به یې اقتصادي ودې ته زمینه برابر شي او د دې سربیره به ورسره ډیرې ټولنیزې او ښاري اسانتیاوې رامنځته شي.
