کابل ښاروال د اروپايي ټولنې له مرستیال سره وکتل کابل ښاروال مولوی عبدالرشید په کابل کې د اروپايي ټولنې دفتر تر پرانیستل کیدو وروسته د یاد دفتر له مرستیال آرنولد سره وکتل. په یاده لیدنه کې کابل ښاروال د اروپايي له مخکنیو مرستو په مننې غوښتنه وکړه څو یاده ټولنه یو ځل بیا له کابل ښاروالۍ سره د پلانونو او پروګرامونو په ترسره کولو کې مرسته وکړي او خپلو کارونو ته دوام ورکړي. د اروپايي ټولنې مرستیال د کابل ښاروالۍ له پلانونو او پروګرامونو هرکلی وکړ او ډاډ یې ورکړ چې په راتلونکې کې به یو ځل بیا د کابل ښاریانو لپاره د آسانتیاو برابرولو په برخه کې له کابل ښاروالۍ سره همکار و اوسي.