په اتلسمه ناحیه کې د ۲،۶ کیلو مترو په اوږدوالي او ۶ متره پراخوالي د کوچیانو په زرین کلا کې د سړک د چغل اچولو چارې د کابل ښاروالۍ د کار، ساتنې او مراقبت ریاست له لوري دوام لري چې ډیر ژر به بشپړې شي. له دې کار موخه په وروسته پاتې ناحیو کې خلکو د آسانتیاو رامنځته کول بلل شوې ده. د سړک د چغل اچولو په دې کار سره به د سیمې د خلکو د خاور او خټو ستونزه حل شي او ورسره به له ۵۰۰ ډیرو کورنیو ته د تګ راتګ په برخه کې آسانتیاوې رامنځته شي.