د یو شمېر ملي سوداګرو له لوري د دریمې ناحیې اړوند میرویس میدان ( کوټه سنګي ) هوايي پله ته د غځیدلي سړک په ګلدانونو کې (۵۰۰) مرسل ګلان کېنول شول. د زرغونتیا ریاست مرستیال سراج الدین پټان د ښاریانو له دې نیک احساس څخه مننه وکړه او ویې ویل چې، له کېنولو شویو ګلانو څخه به په دومداره توګه ساتنه کوي او اړینه ده ښاریان هم په دې برخه کې خپله همکاري دریغ نه کړي. نوموړي زیاته کړه چې، د کابل ښار د ښکلا او زرغونتیا په موخه ټاکل شوې ده د زرغونتیا ریاست له لوري د ښار په کچه او د دریمې ناحیې په اړوند سیمو کې مرسل او نور ګلان کېنول شي. ورته مهال د دریمې ناحیې مسئولانو او ښاریانو ژمنه وکړه چې، د ګډې همکارۍ پر بنسټ به د یادې ناحیې زرغونې سیمې پراخه کړي