د درنو ښاریانو د پام وړ !
کابل ښاروالۍ کابل ښاریانو ته د لا ډیرو آسانتیاو برابرولو په موخه ځانګړي کړنلاري په پام کې لري چې په پلي کیدو سره به یې ښاریانو ته ښاری آسانتیاوی برابري شي.
په همدې تړاو د سړکونو ترافیکي نظم د کابل ښاروالۍ په لومړیتوبونو کې ځاي لري،چې له هراړخیزو څیړنو وروسته د کابل ښار ځینو برخو کې ترافیکي نظم رامنځته شوي، د بیلګي په توګه د کابل لویدیځ سیمه چې په لاندې ډول تنظیم شوي.
د دشتي برچې،ګولایی دواخانه او د میرویس میدان د موټرو تم ځایونه په لاندې ډول تنظیم شوي.
• د شهید مزاري څلور لاري نه ترمیرویس میدان پله پوري سړک د ښار په لور له یو اړخه دي
• د سینما پامیر لین د کاسټرونو تم ځاي د فردوسي روغتون له مخې تر ګولايي دواخانې پوري
• د پل سرخ لین د وسایطو تم ځاي د رابي سنټر مخې نه تر ګولايي دواخانې پوري
• د قمبر څلورلارې او هنګرانو څلورلارې د وسایطو تم ځاي خپل پخواني ځای د میرویس میدان پله شمال لور ته لیږدول شوی
• د بامیانو او دایکندي ولایتونو د وسایطو تم ځاي د قلعه نو لور ته لیږدول شوي
• د دشت برچې او دارالامان لین تونس موټرونه د سړک لویدیځ لوري ته په یو قطار کې تنظیم شوی
• د دشت برچې کاسټر موټرونو تم ځاي د شهید مزاري څلور لارې نه ۵۰متره دشتي برچې سړک خوا لیږدول شوي
یادونه: په نورو ځایونو کې بی ځایه اودریدنه چې د ګڼي ګوڼي لامل کیږي منع ده، او د ترافیکو پولیس به له سرغړونکو سره قانوني چلند کوي.