د کابل ښاروالۍ د چاپېریالي روغتیا او چاپېریال ساتنې ریاست له خوا د نهمې ناحیې اړوند د یوه خصوصي شرکت له فعالیت څخه د څارنې په لړ کې، (۹۵۰۰) کیلو ګرامه بې کیفیته خوراکي توکي چې، د مصرف نېټه یې هم پای ته رسېدلې وه، راټول او د له منځه وړلو په موخه له ښار څخه د باندې د ګزک سیمې ته ولیږدول شول. د یاد ریاست د مسئولینو په وینا؛ په دغو توکو کې د کبانو د غوښې کنسرو، ساسچ، سبزي، د پسه غوښه او نور مواد شامل دي. سرغړونکو ته خبرداری ورکړ شو چې، په راتلونکې کې دې له داسې سرغړونو څخه په کلکه ډډه وکړي، که نه نو له جدي قانوني چلند سره به مخ شي