د ځمکو د اقتصادي ودې په موخه، د لومړۍ ناحیې اړوند د بهزاد سینما په سیمه کې د وچې میوې لپاره د ځانګړي سوداګریز مارکېټ د جوړولو چارې دوام لري. دغه مارکېټ په (۵۲۹۰) متر مربع ځمکه کې د یوې تهکوۍ په ګډون، په دوه پوړونو او (۵) بلاکونو کې د کابل ښاروالۍ له لوري او د خصوصي سکټور ( قراردادي شرکت) په مرسته د یوه کال په موده کې په اساسي توګه جوړېږي. د دې مارکېټ په ډیزاین کې د ښاري او لمریزې برښنا، د ننوتلو او وتلو دروازو، اور وژنې سیستم، جومات، تشنابونو او نورې اړینې آسانتیاوې په پام کې نیول شوې دي. قراردادي شرکت به د دې مارکېټ د جوړولو په بدل کې د قرارداد له مخې د ۲۰ کلونو لپاره له متشبثینو څخه د هرې هټۍ په بدل کې کرایه اخلي او کابل ښاروالۍ ته به د هټیو دولتي کرایه ورکوي. یو شمېر متشبثینو د کابل ښاروالۍ له دې اقدام څخه هرکلی کړی او دا کار یې د وچې میوې لپاره د ځانګړي بازار په برخه کې ارزښتناک او بې مخینې بللی دی. دیادولو وړ ده چې، کابل ښاروالۍ به له ۲٠ کلونو وروسته د دغه مارکیټ د بیا ځلي قرارداد په اړه تصمیم ونیسي