د ځمکې د سطحي اوبو د مدیریت په موخه، د کابل ښاروالۍ د تنظیف ریاست له لوري د نولسمې ناحیې اړوند د څرخي پله د فامیلیو په سیمه کې د کانال پاکولو چارې روانې دي. د تنظیف ریاست د کانالونو آمر انجنیر نوید احمد شیرزاد په دې اړه وویل: دغه کانال چې د یو شمېر ښاریانو د بې پروایۍ له امله بند شوی ؤ، اوس مهال یې د بیا پاکولو چارې تر لاس لاندې دي. نوموړي زیاته کړه: یاد کانال چې (۱.۵) کیلو متره اوږدوالی، (۲.۵) متره سور او (۱.۵) متره ژوروالی لري، د فامیلیو سیمې د ځمکې سطحي اوبه د کابل سیند ته لېږدوي. انجنیر نوید احمد شیرزاد د دې کانال په اوږدو کې له میشتو ښاریانو غوښتنه وکړه چې، د یاد کانال پاک ساتلو ته پام وکړي تر څو په راتلونکې کې د اوبو بهیر بیا ځلي بند نه شي.