کابل ښاروالۍ د ولسي جرګې ټولو درنو نوماندانو ته خبر ورکوي چې، د ښار ښکلا ساتلو او د قانون له مخې په سمه توګه د اشتهاراتو ټکس راټولو په موخه هیڅوک د کابل ښاروالۍ اجازي پرته په ښار کې خپل اشتهارات نشي لګولي، نو په دي خاطر ټول اشتهارات چې په دي ورستیو کې په غیر قانوني توګه په ښار کې لګیدلي د کابل ښاروالۍ له لوري راټولیږي، همدارنګه ټول هغه اشتهارونه چې په دیوالونو، او د بریښنا په پایو لګیدلي د قانون خلاف دي او د کابل ښاروالۍ د څارني ټیم له لوري له ښار څخه راټولیږي.کابل ښاروالۍ له هغو نوماندانو څخه چې د اشتهاراتو پيسي یي ندي تحویل کړي هيله کوي چې هرڅه ژر د پيسو د تحویل لپاره کابل ښاروالۍ کلتوري ریاست ته ورشئ، د نه ورتګ په صورت کې به یې د ښار له اوږدو څخه اشتهارات راټول او له وروستنې لیست څخه د نوم لری کولو په موخه به د ټاکنو شکایتونو کمیسیون ته ور وپيژندل شي.
د ولسي جرګې ټاکنیزو کمپاینونو په اړه د کابل ښاروالۍ خبرتیا