کابل ښاروال د ورستیو واورو اورښتونو له امله د بیلا بیلو عملیاتو په لړ کې د اوبو د ښه مدیریت او د یادو اوبو د جذب په خاطر، هڅه کړي ترڅو په ډیره کچه د اورښتونو اوبه له سړکونو څخه جذب کیدونکو سیمو ته ولیږدوي. د اورښتونو اوبو مدیریت د ښاروالیو له اساسي دندو څخه ګڼل کیږي، کابل ښاروال په همدې موخه د خپلو مالي او تخنیکي امکاناتو نه په ګټه اخیستنې سره ګڼ شمیر لښتې، زابرونه او سترکانالونه جوړ کړي چې له دي ډلي څخه یو هم د وزیرآباد سترکانال دي، چې د روان کال له پيل څخه یې د جوړیدو چاري پيل شوي او تر دي دمه یې ۷۰سلنه چاري بشپړي شوي چې جوړیدو سره به یې په راتلونکي کال کې د کابل ښار د شمال او مرکزي سیمو اوبه په ښه توګه مدیریت شي. کابل ښاروالۍ له ټولو ښاریانو څخه هیله کوي ترڅو د اورښتونو اوبو د ښه مدیریت په موخه د بامونو او سړکونو سر واوره د امکان لرو په صورت کې، د خپلو ملکیتونو، شنو سیمو، د کورونو اړوندو سیمو او یا هغو سیمو کې چې د جذب کولو وړتیا لري ذیرمه کړئ ترڅو له یوي خوا د کابل ښار د اورښتونو اوبه تقویت شي او له بلي خوا د ښار پلي لاري او واټونه له کنګل نیولو څخه خوندې پاتي شي.
واوره د الهي نعمتونو له ډلي او د اوبو له سترو سرچینو څخه ګڼل کیږي چې د بشر ژوند ممکن کوي