د مارچ اتمه نیټه د ښځي نړیوالې ورځې را رسیدو له امله خپل نیک تمنیات او مبارکې د هیواد ټولو ښځینو او په ځانګړي توګه کابل میشتو ښځینو ته وړاندې کوم. ښځي د ټولنې نیمي برخې په توګه د ژوندانه په ټولو برخو کې هر اړخیزه ونډه لري او د ټولنې راتلونکي نسل روزي. د هیواد د تاریخ په اوږدو کې ښځي له ځانګړي احترام څخه برخمني دي او د دیني، ټولنیزو او اخلاقي موازینې له اړخه ځانګړي ځاي لري. ولي له بدمرغه د څو تیرو لسیزو په اوږدو کې جګړي او ناوړي دودونه هغه څه وو چې د ښځو په وړاندې یې تاوتریخ والي رامنځته کړي وه. له نیکمرغه د شاوخوا دوه لسیزو نه را په دیخوا د افغانستان اسلامي جمهوریت هڅه کړي ترڅو ښځو ته په بیلا بیلو برخو کې ونډه ورکړي او خپلي ټولنیزي، اقتصادي او سیاسي کړنې سرته ورسوي. کابل ښاروالۍ د یو ستري خدماتي او ولسي ادارې په توګه د ښځو پرمختیا پخاطرد ملي یووالي حکومت ګټوري پالیسۍ نه په استفادي سره ډیري ښځو ته د رهبرۍ، مدیریتي او خدماتي چارو کې د دندو ترسره کولو زمینه چمتو کړي. زه ویاړم چې د داسي یوي ادارې مشري په غاړه لرم چې تر ۵۰۰څخه زیاتو ښځو ته په کې په بیلا بیلو برخو لکه معینیت، مشاوریت، ریاستونه او د بیلا بیلو ریاستونو معاونیتونو دندې ورسپارل شوي او دوي په ډيره کچه په ښاري مدیریت کې ښکیل شوي. زه یوځل بیا په کابل ښاروالۍ کې د خپل او ټولو نارینو همکارانو په استازیتوب د ټولو اتلو میرمنو د کار ستاینه کوم چې د هیواد په ډیر سخت حالت کې د خپل ورونو تر څنګ د آبادي او پرمختیا لپاره کار کوي او د دوي د کارستاینه کوم.
د مارچ اتمه د ښځي نړیوالې ورځې په اړه د کابل ښاروال پیغام