د حبیب یار خیریه بنسټ له خوا د کابل ښاروالۍله (۵۵۰۰) خدماتي کارکوونکو سره مرسته وشوه. د ياد بنسټ استازي حاجي کامران وويل: د کابل ښاروالۍ هر خدماتي کارکوونکي ته به يوه بورۍاوړه، يوه کڅوړه وريجې او پنځه ليتره غوړي، چې ټولې (٥٥٠٠) بستې کېږي وویشل شي، چې يو شمېر کارکوونکو ته وېشل شوې دي او دا لړۍ په بېلابېلو ناحیو کې دوام لري. نوموړي زیاته کړه، د کابل ښاروالۍ زیارکښه کارکوونکي کابل ښاریانو ته له ځنډه پرته چوپړتیاوې وړاندې کوي، د دوی هڅونه او مالي ملاتړ زموږ ملي دنده ګڼل کېږي او له ټولو هېوادوالو په ځانګړې توګه سوداګرو او پانګوالو څخه هیله کېږي چې د کابل ښاروالۍ له کارکوونکو ملاتړ وکړي