د کابل ښاروالۍ د تنظیف ریاست له خوا د شپږمې ناحیې اړوند د پُل سوخته- دارلامان سړک په اوږدو کې د اوبو ډنډ کېدو ستونزې رسېدنه وشوه. د تنظیف ریاست د کانالونو آمر انجنیر نوید احمد شیرزاد په دې اړه وویل: د یاد ریاست پرسونل او ماشینرۍ پر وخت ستونزې ته رسېدنه وکړه، ډنډ شوې اوبه د واټر پمپ په وسیله ولېږدول شوې او بند لښتي پاک شول. نوموړي د پُل سوخته- دارلامان سړک په اوږدو کې د اوبو ډنډ کېدو لامل وروستي بارانونه او له نښلونکو کانالونو سره د اوبو د مسیر بندېدل یاد کړل. تر تخنیکي او فني مطالعاتو وروسته او د هوا له ښه کېدو سره سم به د یادې سیمې د اوبو ډنډ کېدو ستونزې ته په اساسي توګه رسېدنه وشي