د کابل درنو ښاریانو څخه بلنه! کابل ښاروالۍ د شنو سیمو ودې او د سالم چاپيریال رامنځته کولو په موخه د ښار په اوږدو کې د لا ډیرو پارکونو رغولو پخاطر ستاسو د کابل درنو ښاریانو نقدي مرستو او پانګونو ته اړتیا لری. کابل ښاروالۍ د پارکونو رغولو، شنو سیمو ودې او کابل ښار کې د لا ښکلا په موخه د ښار په بیلا بیلو برخو کې د لا ډیرو معیاري پارکونو بیارغولو چاري پيل کوي، د پارکونو د طرحو او ډیزاین چارې تر فنې او تخنیکي څیړونو وروسته، د ښاري اړتیاوو له مخې چمتو شوي چې د اشخاصو او مرستندویه بنسټونو تر نظریات وروسته د اصلاع وړ دي، د دي برسیره کابل ښاروالۍ په پام کې لري د پانګونې او مناسب کار پيدا کولو په برخه کې تر ډیره بریده ښاریانو سره مرسته وکړي. یوځل بیا له ټولو درنو ښاریانو، هم له سوداګرو،شرکتونو،مدنی بنسټونو او د خصوصي سکټور نورو غړو نه چې د دي پارکونو رغولو او په ښار کې د شنو سیمو ودې کې د ګډون لیوالتیا ولري، هیله ترې کیږي چې په دي معنوي او فرهنګي مهم کار کې زمونږ سره برخه واخلي.
د شنو سیمو ودې په موخه د کابل ښاروال پیغام