د روژې مبارکې میاشتې په مناسبت د کابل ښاروالۍ د چاپېریالي روغتیا او چاپېریال ساتنې ریاست له لوري د روغتیايي معیارونو د پلي کولو په موخه د کلچه پخوونکو له استازو سره ناسته ترسره شوه.
د چاپېریال ساتنې ریاست مرستیال مفتي فضل کریم احمد وویل چې، د ښار په بېلابېلو ناحیو کې د کابل ښاروالۍ د اصولو او مقرراتو د پلي کېدو له څرنګوالي څارنې روانې دي. نوموړي زیاته کړه چې، کلچې او کیک باید له روغتیايي معیارونو سره سم په ښه کیفیت چمتو کړل شي.
همدا راز د کیک او کلچو له یو شمېر کارخونو څخه د لیدنې پرمهال ټینګار وشو چې، د کلچه پخونکو د استازو په مرسته باید د کلچو او کیک نرخونه او د چاپېریالي روغتیا ساتنې برخه وڅارل شي او له سرغړونکو سره قانوني چلند وشي څو، ښاریان وکولای شي د اړتیا وړ کچې په ښه کیفیت او مناسبت قیمت ترلاسه کړي.
ورته مهال د کلچه پخوونکو استازو ژمنه وکړه چې، له نرخنامې سره سم به په ښه کیفیت او مناسبت قیمت ښاریانو ته کیک او کلچې وړاندې کړي.
د چاپېریالي روغتیا ساتنې له اړخه د کلچه پخونکو له فعالیتونو څارنه وشوه