نن دوشنبه د کابل ښاروالۍ د بېلا بېلو برخو د کارمندانو لپاره نن د زړه او تنفسي ناروغیو په برخه کې د کابل ښاروالۍ د ښاري خدمتونو او چاپېریال ساتنې معین ډاکټر مهتاب عالمي لخوا د لومړنیو مرستو روزنیزه دوره پيل شوه.
په دې روزنیز کورس کې د کابل ښاروالۍ د چاپېریالي روغتیا او چاپېریال ساتنې برخې او د افغانستان د قلبي انجمن لخوا د کابل ښاروالۍ د تنظیف ریاست، سرسبزۍ او حفظ و مراقبت ریاستونو شاوخوا ۳۰ مدیرانو ته ټریننګ ورکول کېږی تر څو دوی بیا د خپلو اړوندو ریاستونو کارمندانو ته د لومړنیو مرستو په تړاو روزنه ورکړی.
د یادونې ده چې د دغې روزنیزې دورې برخه والو ته به د نظري زده کړو تر څنګ په عملي برخه کې د انسان د پلاستیکي جسدونو، فلم له لارې په قلبي تنفسي برخه کې نورو برخو کې روزنه ورکړل شي.
