د ښاریانو د روغتیا د خوندیتوب په موخه، د پنځمې ناحیې د مسئولینو له خوا د یادې ناحیې له بازارونو څخه د څارنو په لړ کې، ۲۹۴۷ کیلو ګرامه بې کیفیته خوراکي او غیرخوراکي توکي چې، د مصرف نېټه یې هم ېای ته رسېدلې وه او دغه راز ۸۴ لوډسپیکرونه، چې د غږیزې ککړتیا لامل ګرځېدلي وو راټول او د له منځه وړلو په موخه ټاکلي ځای ته ولېږدول شول.
په راټولو شویو توکو کې شیدې، ملایي، پنیر، چاکلیت، بیسکویټ، کېک، شات، پنیر، مکروني، ژاولې، د غاښونو کریم، صابون او نور د څښاک او مینځلو توکي شامل دي.
د کابل ښاروالۍ مسئولین له ټولو اصنافو غوښتنه کوي چې، د بې کیفیته او تېر وخته توکو له پلورلو څخه ډډه وکړي او ښاریان دې هم د خپل اړتیا وړ توکو د پېرلو پرمهال د هغو نېټې او کیفیت ته پام وکړي.
د پنځمې ناحیې له بازارونو څخه ۲۹۴۷ کیلوګرامه بې کیفیته توکي راټول شول