د کابل د هوا وضعیت

الوتني

د كابل شرعي وختونه

د سهار آذان 3:28 ق-ظ
لمر راختل 5:01 ق-ظ
د ماسپښين آذان 12:35 ب-ظ
د مازديګر آذان 4:36 ب-ظ
د ماښام آذان 6:43 ب-ظ
د ماسختن اَذان 7:14 ب-ظ

د نن ورځي د اسعارو بيه

1 دالر 76.3500 افغانی
1 یورو 83.2500 افغانی
1 درهم 20.1500 افغانی
1 تومان 0.0051 افغانی
1 کلدار 0.4805 افغانی
1 هندی 0.9100 افغانی

د کابل ورځپاڼی

د رمضان مبارکې میاشتې د رارسېدو په مناسبت د کابل ښاروال پيغام

د کابل ښاروالۍ مشرتابه د رمضان برکتي مياشتې مبارکي د نړۍ ټولو مسلمانانو، ګرانو او دینداره هېوادوالو په ځانګړې توګه د پلازمېنې اوسېدونكو ته وايي. په دې هیله چې په دغه مبارکه میاشت کې زموږ طاعات او عبادات د الله تعالی په دبار کې قبول شي او له انساني ټولنې ټولې ناروغۍ او مصيبتونه لری شي، ترڅو له ټولو تشویشونو لرې ژوند ولرو. د رمضان مبارکه میاشت د سولې او امنیت ټينګښت او له کرونا وېروس سره د مبارزې لپاره یو مناسب فرصت دی؛ راشئ دا فرصت له لاسه ورنه کړو او د دې مبارکي مياشتې له برکتونو ستره ګټه واخلو. لازمه ده چې ټول په ځانګړي توګه د هېواد ملی سوداګر په رمضان میاشت کې چې د اړمنو او بېوزلو د لاسنیوی میاشت ده، غریبانو او فقیرانو ته په صدقو او مرستو ورکولو سره د الله تعالی رضا د ترلاسي لپاره هڅه وکړو. په دغو سختو او ناوړه شرایطو کې د خپل ځان او نورو د روغتیا لپاره دیني او طبي توصیو ته جدي پاملرنه وکړو او د دغه وېروس په مهارولو کې له روغتیا وزارت سره همکاري وکړو. کابل ښاروالي چې د تل په څېر د خدمتونو په وړاندې کولو کې مخکښه ده، له ټولو کابل ښاریانو غوښتنه کوي چې د ښار په پاکۍ او نظافت کې خپل شخصي او چاپېريالي نظافت ته په پام کولو سره خپل د ښاروندۍ رول په مسوولانه توګه اداکړي، ترڅو زرغون او پاک ښار ولرو.

په درنښت

محمد داود سلطانزوی

کابل ښاروال