د ګلخانې چهاردهی نښلوونکی پل ، چې د شپږمې ناحیې اصلي سړک د یادې سیمې له لیرې پرتو سیمو سره تړي د ګلخانې پر لوی کانال جوړ او د ترافیکو پر مخ پرانیستل شو. دا پل په تیر کې په ټیټه کچه جوړ شوی وو چې ډیری وخت د لارې بندیدو سبب ګرځید ، خو په وروستیو کې د کابل ښاروالۍ د ساتنې او مراقبت ریاست له لوري دا پل د ۱۲ مترو په اوږدوالي او ۷ متره سور په لرلو په اساسي توګه بیا جوړ شو ، چې ورسره به د خلکو د تګ راتګ او ترافیکي ستونزې حل شي . د دې سربیره به د سیمې اوسیدونکو د چاپیریال ساتنې برخې ستونزې هم حل او د ترافیکي ګڼې ګوڼې څخه به مخنیوی وشي.
