د کمپنۍ له سړک تر برچي پورې د نوي نښلوونکي سړک د جوړېدو په موخه اوس مهال په دوه برخو کې د یاد سړک د استملاکي خنډونو او کورنو په لمنځه وړلو او د خاورو د لیږد کار روان دی. یاد سړک د قمبر څلورلارې د بلاکونو له سړک ( قلعه ناظر) څخه پیل کیږي او د برچي تر نقاش حمام پورې غځیږي چې، د کابل په لودیځه برخه کې یو له مهمو نښلوونکو سړکونو څخه شمېرل کیږي. کابل ښاروالي ژمنتیا لري، څو د پنځمې او دیارلسمې ناحیې ترمنځ یاد سړک په پل سوخته سیمه کې د ګڼه ګوڼې ستونزې کمولو په موخه ، د ۲.۲ کیلو مترو په اوږدوالي او د ۳۰ متره په پراخوالي سره د یوه معیاري سړک د ټولو برخو په ګډون جوړ کړي