د یو پاک او سمسور کابل ته د رسیدو په موخه نن د ۱۳۹۸کال د وری میاشتي په ۲۵مه نیټه د ښار په ټولو نواحیو په اوږدو کې عمومي تنظیفي حشر د کابل ښاروالۍ او دهبیتات دفتر د پاک او سمسور ښار پروګرام له لارې د مسولینو او خلګو په ګډون په لاره واچول شو. په دي حشر کې کابل ښاروال احمد ذکی سرفراز ښاریان وهڅول ترڅو د ناولتیاوو له زیږند څخه مخنیوي ترڅنګ په ټاکل شویو ځایونو کې وغورځوئ نومړي زیاته کړه: سمسور او پاک ښار ته د رسیدو په موخه اړینه ده چې د خپلو کورونو او ملکیتونو مخه چې زمونږ دیني وجیبه هم ده پاکه کړو او لری نه ده چې کرار کرار هغه ورځ هم راورسیږي چې نور ناولتیاوي د ښار په اوږدو کې غورځول شوی نه وي او همدارنګه ښاریان هم ناولتیاوي د سړکو په سر او لښتیو کې ونه غورځوي. په لښتیو کې د ناولتیاوو غورځول له یوي خوا د ښار ښکلا ته زیان اړوي او له بل لوري د لښتیو د بندیدو سبب ګرځي چې سړک ته د اوبو راوتلو یو لامل هم همدا ده. هیله کیږي چې ښاریان د ښار په وړاندې خپل مسولیت ترسره کړي ترڅو د تنظیف ریاست کارکونکو ته سرخوږې جوړ نشي. د یادونې وړ ده چې د دي تنظیفي حشر په پایله کې د بیلا بیلو ناحیو څخه ناولتیاوي راټولي او د تنظیف ریاست د وسایطو په مرسته له ښار څخه بیرون لیږدول شوي.
