د کابل ښاروالۍ د غوښتنې پر بنسټ، د تراقیک ریاست له خوا د موټرو د ګرځېدو د جواز (جواز سیر) د ویشلو پر مهال، د کابل ښاروالۍ د ښاري خدمتوتو د محصول د تحویلولو په برخه کې ښاریانو ته د آسانتیاوو رامنځته کولو په موخه؛ د کابل د ترافيکو رياست په انګړ کې د پشتنې بانک نوې څانګه پرانیستل شوه. د کابل ښاروالۍ د عوایدو ریاست سرپرست حسیب الله مظهر په وینا، د پشتنې بانک دغه څانګه چې، په عصري سیستم سمباله ده؛ ښاریان یې له غوره بانکي خدمتونو څخه برخمن شوي او کولای شي په آسانۍ سره د کابل ښاروالۍ د ښاري خدمتونو تعرفې هلته تحویل کړي. نوموړي زياته کړه، چې د کابل ښاروالۍ د ښاري خدمتونو ټول محصول د پشتنې بانک له لارې راټول او بيا وروسته د ښاري خدمتونو د وړاندې کولو په برخه کې کارول کېږي