د دولسمې ناحیې اړوند هغه ۲۰ نمرې چې جنجالي وې او د لوی څارنوالۍ او د ملي امنیت تر کنټرول لاندې وې او یوه لیک په ترڅ کې یې له کابل ښاروالۍ غوښتي وو څو په باندې رغونې صورت ونه مومي، خو یو شخص چې ځان د مشرانو جرګې سلاکار یادوي په زور په یاده سیمه کې ودانیزې چارې پیل کړې وې، چې په مقابل کې یې کابل ښاروالۍ اقدام وکړ او له ناقانونه رغونو یې مخنیوی وکړ. دغه راز د یادې ناحیې یو شمیر نورو ښاریانو چې غوښتل یې له زرغونو سیمو څخه په ګټې اخیستنې ودانیز توکي وپلوري، مخه یې ونیول شوه او له یادې سیمې ولیږدول شول. له غصب د ځمکو بیرته راګرځول او هغه دسمې ګټې اخیستنې په برخه کې کابل ښاروالي یو شمیر مهم پلانونه تر لاس لاندې لري چې له قانون تښتیدونکو سره به جدي قانوني چلند وشي.
