د ښار په زرغونتیا کې د ښاریانو د ګډون پر دوام، یو تن ښاري چې نه یې غوښتل نوم یې واخیستل شي، د ۳۰۰۰ دیوار بید نیالګیو په ډالۍ کولو سره یې د ښار په زرغونتیا کې برخه واخیسته. د کابل ښاروالۍ د زرغونتیا رئیس مولوي عبدالوکیل متوکل د یاد ښاري له دې نیک احساس څخه مننه وکړه او ویې ویل چې، دغه نیالګي به په شهرنو پارک کې کېنول شي. نوموړي وویل: د ښار په زرغونتیا کې د ښاریانو رول مهم او اړین دی. د یادونې وړ ده چې، د کابل ښاروالۍ د زرغونتیا ریاست له لوري د شهرنو پارک د زرغونتیا په پار، زرګونه، مورپان، ناجو، دیواربید نیالګي او زنیتي بوټي کېنول شوي دي. په همدې توګه د یاد پارک د بیارغونې د پلان له مخې د اوبو د یوې فوارې او یوه کلاسیک آبشار د جوړولو چارې هم تر لاس لاندې دي، چې په بشپړیدو سره به یې د دې مهم پارک په زرغونتیا او ښکلا کې مثبت بدلون راشي