د ا،ا، ا د مشرتابه محترم مقام د یوه فرمان او د ریاست الوزرا مقام له لارښوونې سره سم د حج او اوقافو، ښار جوړونې او ځمکو او امر باالمعروف او نهی عن المنکر وزارتونو او کابل ښاروالۍ ته دنده سپارل شوې ده چې، په کابل ښار کې د نویو جوماتونو جوړولو لپاره ځایونه مشخص کړي او د پخوانیو جوماتونو د بیارغونې چارې ترسره کړي. د کابل ښاروالۍ د خلکو د همغږۍ چارو رئیس محمد ناصر کبیري وايی چې، د یاد فرمان د پلي کولو په موخه به د ۲۲ ګونو ناحیو د ګذر وکیلانو شورای په مرسته د نویو جوماتونو لپاره د ځای ټاکلو او د هغو جوماتونو لست جوړولو په برخه کې چې، بیارغونې ته اړتیا لري له اړوند ادارو سره په همغږۍ اړین ګامونه پورته کړي ټاکل شوې ده، د ښار په بیلابېلو برخو کې د اړتیا له مخې نوي جوماتونه جوړ او د پخوانیو د بیارغونې چارې ترسره شي.